Voce Nustrale

Corsica
28 di settembre

Senaturiale 2020

570 grandi elettori nant’à i 575 scritti si sò prisentati issa dumenica à a preffettura di Cismonte per eleghje u successore di Joseph Castelli à u Senatu. Dop’à un primu giru induve Paulu-Santu Parigi hà ottenutu 279 voti, Jean-Marie Seite, 198, Simon-Jean Venturini 43, Jean-Simon Savelli 20 è Philippe Peretti 18, si vutava per un secondu giru. Hè mancatu un solu votu à u candidatu sustenutu da Femu a Corsica, per esse elettu à u primu giru.

A u secondu giru Paulu Santu Parigi hè statu elettu cun 328 voti. Jean-Marie Seitè n'hà ottenutu 230.

In Pumonte, Jean-Jacques Panunzi hè statu reelettu senza surpresa à u primu giru di l’elezzione senaturiale. Hà ottenutu 336 voti nant’à i 404 sprimati, contr’à 8 per Jean-Hugues Noël, cugnumatu Le Baron Mariani.

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza