Attualità

Si n’hè andata à l’altru mondu Stéphanie Simonpieri

Si n’hè andata à l’altru mondu Stéphanie Simonpieri à l’età di 57 anni. Ognunu s’arricorda a so prova nant’à u GR20 à u prufittu di l’associu La Marie Do allora ch’ella era tocca da u cancheru. Una sfida chì avia cumossu a Corsica sana. Dipoi l’annunziu di a so sparizione, l’umagii si succedenu per salutà una donna d’eccezzione. U so curagiu, a so generosità è u so impegnu anu marcatu a Corsica intera. E so esequie seranu celebrate issu venneri dopu meziornu, à 5 ore è quartu, in a cappella di Ponte Novu.