Attualità

Sindicati ricevuti à u ministeru di i Trasporti

Eri, u STC di a Meridiunale, u SAMMM di a Corsica Linea è a CFTC di a cumpagnia Maritima, incaricata di u trasportu di u fioul in Corsica, sò stati ricevuti à u ministeru di i Trasporti. L’ogettivu hè di prutege u paviglione primu registru francese di e cumpagnie Meridiunale è Corsica Linea. D’altrò, sti sindicati sò impenseriti da u rinforzu di e cumpagnie Corsica Ferries, chì navicheghja sott’à paviglione talianu trà a Corsica è u cuntinente è di GNV trà Sète è u Magrebbu. Un altru penseru hè quellu di a perennità di l’impieghi à a Meridiunale cù l’annunziu di a futura demulizione di u Kallisté senza un altru battellu pè rimpiazzallu. Infine, i sindicati anu evucatu a fiscalità ambientale è induve e neguziazione pè una derugazione à prò di a Corsica sembranu bluccate.