Situazione di u covid u 27 d'ottobre

L’epidemia di covid in Corsica hà necessitatu l’uspidalizazione di 63 persone è 11 sò in rianimazione. In Pumonte, 27 sò uspidalizate, frà quesse 6 in rianimazione. In Cismonte, 36 uspidalizazione, (frà e quale 5 in rianimazione). 88 persone sò morte dapoi u principiu di l’epidemia (56 à l’uspidale d’Aiacciu, 19 à quellu di Bastia è 13 in EHPAD). Da sapè chì u paese d’Antisanti hè un cluster è una vistichera generale hà da esse urganizata. Infine, in e rete suciale, l’uspidale d’Aiacciu hà dumandatu à l’anziani infirmieri di i servizii di rianimazione di manifestassi pè porghje aiutu à u persunale.