Attualità

Sò compii i campiunati di ballò naziunali è amatori

In Naziunale 2, Furiani hà vintu in Thionville 3 à 1 è compie à l'8 ima piazza di a classifica. U FC Balagna, prulificu contr'à Aubervilliers (8/2), compie a so stagione à a sesta piazza.

In Naziunale 3 , gruppu D,  u FC Borgu hè firmatu invintu in casa soia è compie cun una larga vittoria contr'à Linas Monthlery (4/1). I burghisgiani sò campioni è accedenu à u Naziunale 2.  U SCB vincidore di Alençon  (3/0) compie 8 imu, è l’ACA disfattu à Caen (2/1) perde una piazza à a classifica puntendu à a quarta piazza. 

In u gruppu J Corti digià rilegatu hà uffertu un festivale di segni à u so publicu contr' à Aigues Mortes (6/2), u Sud FC cù a so vittoria in Fos Sur Mer (0/4) è a disfatta di Aigues Mortes in Corti, pò sempre sperà à mantenesi. U Gallia Lucciana hà battutu Agde (1/0) è uffertu a vittoria à Jérôme Sonnerat, per u so ultimu scontru di ballò è à Anthony Robic chì celebrava u so 500 imu.