Attualità

Successu spurtivu è pupulare di l’Alisgianinca Trail

Lambert Santelli s’hè impostu dumenica nant’à a corsa di 23 chilometri di E Caldane à l’Alisgianinca trail davanti à Alexandre Muselli è Fabien Olmeta. Ind’è e femine Emmanuelle Moracchini firma u sestu tempu di u generale. Léo Serca vincidore duie annata da fila di a 20 chilometri era ingagiatu in a 12 chilometri. S’hè impostu  davanti à Emile Vendasi è Florent Agostini è Nonza Thiphaine vince a prova feminile. Una nova corsa era à u prugramma, quella di Monte Trè Pieve di 7 chilometri, c’hè stata vinta da Kenzo Carpentier è Alzon Victoire, seconda à u generale. Issa 9 ima corsa di muntagna di l’Alisgiani hà sedutu più di 250 ingagiati da u so caratteru amichevule è di spartera, purtatu da l’associu urganisatore di a ghjuventù alisgianinca.