Attualità

Ritornu di u sole

Sole è passaghji nivulati alternanu sta mane mentre chì u sole hè più generosu in u dopu meziornu nant'à u liturale. U celu ferma appannatu nant'à i rilievi è à l'interiore, pudendu ancu uccasiunà qualchi acquata. U tempu si schjarisce in corsu di notte a vene

Soffianu venti muderati di nordu este trà Calvi è u Capu Cavallu, è in piaghja urientale

E timperature massimale vanu da 18 à 21° nant’à u liturale, trà 16° è 19° à l’interiore, è trà 13 è 15° in i paesi di muntagna. 

A 8 ore è mezu sta mane in Cervioni, a timperatura era di 18°, a pressione atmusferica di 1016 milibari è un percentuale d’umidità di 80.

- in cità di Bastia, a pressione atmusferica era di 1018 milibari, u percentuale d'umidità di 81 è a timperatura di 18°.

- In Calvi, una timperatura di 15°, una pressione atmusferica di 1012 milibari è 90 per centu d'umidità.

- in Aiacciu, strada di e Sanguinarie, una timperatura di 17°, 82 per centu d'umidità è una pressione atmusferica di 1012 milibari.