Attualità

Instabile

Acquate accumpagnate à casu di timpurali interessanu dipoi sta notte a Casinca, a Costa Verde, u Nebbiu è u Capicorsu. E schjarite affacheranu prugressivamente da u nordu in corsu di matinata. Altrò u tempu hè nivulatu à colpi. In u dopu meziornu i nuli sbuccianu in muntagna, è ponu dà acquate à le volte timpuralesche. Si migliureghja in fine di u dopu meziornu soprattuttu nant'à u liturale induve u sole serà di ritornu à mezu à qualchi passaghju nivulatu persistante.

Soffianu ventulelli è sbuffulate pussibile sott'à timpurali eventuali

E timperature massimale vanu da 27 à 31° nant'à u liturale, 26 à 30° à l’interiore, è trà 21 è 25° in i paesi di muntagna. 

A 9 ore sta mane in Cervioni, a timperatura era di 22°, 26°di risentitu, a pressione atmusferica di 1022 milibari è un percentuale d’umidità di 73.

- in cità di Bastia, a pressione atmusferica era di 1023 milibari, u percentuale d'umidità di 77 è a timperatura di 23°

- In Calvi, una timperatura di 24°, una pressione atmusferica di 1017 milibari è 74 per centu d'umidità.

- in Aiacciu, strada di e Sanguinarie, una timperatura di 23°, 70 per centu d'umidità è una pressione atmusferica di 1019 milibari.

a