Voce Nustrale

Corsica
23 di ghjennaghju

Timpesta Hortense : periculu nant'à e strade è danni

Per via di a timpesta Hortense numerosi arburi è branche sò cascati nant’à certe strade, in particulare à e bocche di Verde è di Sorba è in Valle d’alisgiani. 

Facciate è  tetti sò stati dannighjati in l’isula , è un furgone s’hè vultulatu in Bastia. Nant’à u corsu Paoli, i suldati di u focu sò intervenuti pè sicurizà una tittera in teghja chì minacciava d’esse parata da a timpesta.

D’altrò, l’operatore Orange hà fattu sapè chì panne sò accadute in Fium’Orbu, Bunifaziu è Erbalonga nant’à i telefuni, telefunini è Internet. E squadre tecniche sò state mubilizate. A meza ghjurnata, 2940 case eranu sempre senza elettricità. E squadre d’EDF sò mubilizate. I principali settori tocchi sò a Castagniccia, u Fium’orbu, u Capicorsu, u Boziu, l’estremu sudu, u Valincu, l’Alta Rocca è u Liamone 

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza