Attualità

Trè accidenti in mare in 24 ore nant’à u liturale di l’isula

Dece persone sò state succorse eri dopu meziornu da l’intervenzione di i salvadori in mare di Prupià mentre ch’elle si truvavanu nant’à un catamaran di 16 metri vittimu di una via d’acqua. L’imbarcazione hè stata rimurcata sin’à u portu di Prupià è i passageri sani è salvi sò stati assistiti è evacuati. 

Eri mane una cullisione hè accaduta trà dui battelli à i Lavezzi chi hà necessitatu un operazione di succorsu intensa. L’accidente hà fattu sei vittime cun fratture è ferite impurtante. Eri dopu meziornu un zitellu di 15 anni hè statu vittima di una mancanza di core allora ch’ellu praticava u snorkeling ( spassighjata palmata). Grazia à l’efficacità di i succorsi u giovanu hà pussutu esse salvatu è evacuatu versu l’uspidale d’Aiacciu.