Attualità

U cartulare Scola Corsa volta à l’Assemblea di Corsica

Stu cartulare hè statu u sugettu d’una quistione di u gruppu Fà Populu Inseme durante a sessione di rientrata. U gruppu dumanda chì e prumesse di u Statu sianu rispettate pè sviluppà è sicurisà l’insignamentu immersivu in lingua corsa. Gilles Simeoni annunzia chì a rettrice serà delegata da quì à a fine di u mese pè scioglie l’ultime prublematiche : u sviluppu di l’insignamentu immersivu, a cuntrattualisazone cù Scola Corsa, a quistione finanziaria è i sei posti da pruvede.