Attualità

U FC Balagna offensivu contr’à Pays de Valois

Realistu è suldariu, u FC Balagna hà vintu contr’à u primu di a classifica 3 à 1. Un scontru ammaestratu è una vittoria chì permette à i balanini di stallassi à a quinta piazza di classifica. In issu campiunatu di Naziunale 3 gruppu 3, u GFCA (attuale settesimu) si dispiazza dumane à Neuilly, in lotta per u mantenimentu. U scontru si ghjucherà à 3 ore di u dopu meziornu.

Sempre in Naziunale 3, gruppu H, u Gallia Lucciana hà supranatu a riserva di l’OM issu dopu meziornu 2-0 , un passone versu u mantenimentu.

In u gruppu D, u SCB (quartu) rivece Sainte Genevieve in Erbaghjolu cun l’intenzione di prusegue nant’à a so dinamica, dop’à duie vittorie cunsecutive