Attualità

U guvernu numineghja dui mediatori pè a greva in i trasporti marittimi

U ministeru di i Trasporti hà annunziatu, eri sera, a numinazione di dui mediatori, Bernard Mazuel è François Lambert, pè pruvà à risolve u cunflittu marittimu. U scopu serà di truvà suluzione pè difende u paviglione francese primu registru è l’impiegu di marinari francesi.  D’altrò, a direzzione di a Corsica Linea chjama à una ripresa di l’attività pè un dialogu suciale serenu. Infine, una reunione hè stata organisata oghje in Bastia trà riprisentanti sindicali è l’uffiziu di i Trasporti di a Corsica. A l’ordine di u ghjornu, a creazione d’una cumpagnia marittima regiunale pè ammaestrà u costu di e traversate di passageri, i prezzi di e mercanzie di fronte à a futura stallazione di a tassa carbone è u cuntestu di cuncurrenza forte in Mediterraniu.