Attualità

U muvimentu di greva naziunale di stu 18 settembre in Corsica

L’Isula si prepara oghje à una ghjurnata di mobilisazione qualchi ghjornu dop’à u muvimentu “Blucchemu tuttu”, seguitatu di manera muderata in Corsica. I sindicati sò adduniti è chjamanu oghje à u disoperu generale.

Si stima chì u trafficu aereu serà pocu perturbatu postu chì u sindicatu principale di u cuntrolu aereu hà attempattu à so greva à u mese d’ottobre. Invece l’assi principali di u caminu di ferru seranu bluccati mentre chì u trasportu peri-urbanu serà assicuratu. E farmacie seranu chjose à 95 percentu. In e scole, cullegii è licei u muvimentu sembra esse seguitatu di manera massiva. In Bastia u curteghju di manifestanti parterà da u palazzu di ghjustizia sta mane à 10 ore. In Aiacciu, l’addunita hè prevista à listess’ora davant’à a gara.