Attualità

U pass vaccinale aduttatu

U parlamentu hà aduttatu definitivamente u prugettu di legge per u pass vaccinale. St’ultimu duveria esse messu in ballu a settimana à vene. U  pass vaccinale rimpiazza dunque u pass sanitariu, ciò chì significheghja chì e persone chì ùn anu micca una vaccinazione cumpleta ùn puderanu più andà à u risturante, u sinemà, frequentà i musei, teatri, lochi spurtivi o di  spettaculi. I centri cumerciali, sò sottumessi à a decisione di i prefetti di regione.

Sò cuncernati da u pass vaccinale e persone di più di 16 anni. I giovani ai 12 à 15 anni puderanu prisentà un pass sanitariu. Per accede à lochi uspitalieri, EPHAD è case di ritirata st’ultimu abbasterà.