Attualità

U prugramma UNITI ufficialmente lanciatu

U prugramma UNITI di l’Università di Corsica, ritenutu frà 17 premiati, hè statu lanciatu ufficialmente eri in Corti. Un prugramma rispundendu à a chjama à prugetti “Excellences sous toutes ses formes” creatu da l’Agenza Naziunale di Ricerca. Hè fundatu nant’à trè assi : u sviluppu è a sparghjera di l’idrugenu verde, a gestione di a risorsa piscareccia, a priservazione di e risorse agricule, furestiere, acquacule, a creazione d’un turismu lab in industria culturale, pè a furmazione di l’attori è l’urganisazione di un campus nant’à i mistieri di turismu. L’ultimu assu appughjerà u sviluppu di u prugramma sanu pè aumentà a reta di i territorii euro-mediterrannii è isulani.