Attualità

U rettore di Corsica vicinu di a surtita

Remi-François Paolini hà risicatu d’esse cacciatu di e so funzione di rettore, ma a decisione hè stata attempata vistu a pressione di l’eletti di Corsica, scuntenti d’una decisione tale.

Qualchi ghjornu dopu à un accordu ambiziosu pè l’amparera di a lingua corsa firmatu cù u prefettu è u presidente di l’esecutivu, u rettore di Corsica hè statu infurmatu di  a so mutazione in Parigi. Mutazione chì duvia esse uffizialisata oghje in cunsigliu di i ministri. A nutizia avendu suscitatu a zerga di l’eletti isulani, a decisione hè stata attempata da u primu ministru Sébastien Lecornu. Sin’à quandu ? Un si sà.