Attualità

U SCB affronta sta sera a squadra di Rodez

I bastiacci si dispiazzanu sta sera in Rodez in u quadru di a 28 sima ghjurnata di u campiunatu di Francia di Liga 2. A sette ghjurnate di a fine i bastiacci sò sempre in cerca di soluzione per salvassi d’ una gattiva stagione,  à u livellu spurtivu ma dinù for di u terrenu. U SCB chì vene d’esse severamente sanziunatu da a cummissione di disciplina per l’incidenti accaduti venneri scorsu in Furiani à l’esciuta di u scontru contr’à Boulogne. U campu di ghjocu Armand Cesari hè suspesu à titulu cunservatoriu per u scontru di u 3 d’aprile è a recezzione di a squadra di Amiens. Un scontru chì si ghjucherà nant’à terrenu indefinitu è senza publicu.