Attualità

U SCB vincidore in Furiani, l’ACA disfattu in Pau

Era ora ! Dop’à 10 scontri senza vittoria a squadra di u Sporting Club di Bastia s’hè imposta eri sera contr’à Guingamp 3 à 1 dop’à un secondu tempu magistrale. Cù sta vittoria i bastiacci mettenu un termine à una seria di dece scontri senza vittoria è fermanu invinti in Furiani. A a classifica a squadra di Benoit Tavenot hè novesima cù 22 punti. U prussimu è ultimu scontru di l’annata per u SCB si ghjucherà vennari prussimu in cuppa di Francia cù a ricezzione di St Joseph, squadra di regiunale 1 di Martinique.

A squadra di l’ACA hà persu eri sera in Pau 1 à 0. Assai sminuita cù ondeci ghjucadori assenti a squadra aiaccina ùn era micca armata per pudè pretende rivene in a partita. A a classifica l’omi di Mathieu Chabert sò sedecesimi cù quindeci punti.