Attualità

U sognu di Fed Cup in Aiacciu

A Federazione Francese di Tennis hà sin’à a fine di u mese per designà a cità chì accuglierà u scontru Francia-Australia  per raghjunghje l’elita è u prugramma finale di a prova.  A cità d’Aiacciu hè candidata è hà prupostu l’infrastrutture di u Palatinu. Ma ci sò numerose mancanze frà elle a capacità d’accuglienza di 1600 piazze allora chì 2000 sò richieste.  A Corsica ùn hà mai accoltu tappe di a Fed Cup è ferma mutivata. In casu di ricusu di u situ aiaccinu, un altru cartulare hà da esse prupostu de a liga corsa di tennis, sta volta versu Bastia.