Attualità

U spiazzamentu stagiunale di e bande in u patrimoniu mundiale di l’UNESCO

U spiazzamentu stagiunale di e bande, chjamatu impiaghjera o muntagnera, hè iscrittu dapoi eri in u patrimoniu mundiale di l’UNESCO. L’organismu ricunnosce u benefiziu di stu percorsu pè l’ecosistemi, pè a preservazione di e razze lucale, a migliurazione di a fertilità di e terre è di a diversità biologica. Ind’a cuntinuità di sta ricunniscenza, u CORAM, Cullettivu di e Razze Lucale di Massicciu, hà redattatu un pianu di salvamentu è di valurisazione di sta pratica pè sustenela è favurisà a so trasmissione da una generazione à l’altra. In Corsica, ci hè una calata significativa di sta tradizione.