Attualità

U STC dinunzia insulte da a parte di u direttore di l’uspidale

Una vintina di membri di u STC è di u cullettivu di l’uspidale d’Aiacciu hà occupatu eri  i lucali di l’agenza regiunale di salute.  Dinunzianu una reurganizazione di u so serviziu è u so funziunamentu. Secondu u sindicatu è i membri di u cullettivu, u direttore di u stabilimentu uspitalieru averebbe insultatu un riprisentante sindicale mentre a  reunione. Durante una adunita cù l’ARS eri sera,  u sindicatu hà dumandatu a so partenza. L’occupazione di i lucali era sempre attiva eri sera.