Attualità

Instabile

Numerosi passaghji nivulati sta mane accumpagnati  d'acquate à le volte timpuralesche. In u dopu meziornu alternanu cun qualchi bella schjarita, mentre chì i timpurali si facenu più scarsi. In corsu di notte à vene u celu si schjarisce in facciata este allora ch'ellu ferma nivulatu à l'uveste. 

Soffia un ventu di sudu este assai forte in u stremu sudu, u Nebbiu è u Capicorsu. Si calma in corsu di ghjurnata è  hè rimpiazzatu da un forte libecciu da a Balagna à u nordu di u Capicorsu.

E timperature massimale vanu da 20 à 23° nant'à u liturale, 19 à 22° à l’interiore, è trà 15 è 17° in i paesi di muntagna. 

A 9 ore sta mane in Cervioni, a timperatura era di 17°, a pressione atmusferica di 1012 milibari è un percentuale d’umidità di 75.

- in cità di Bastia, a pressione atmusferica era di 1016 milibari, u percentuale d'umidità di 90 è a timperatura di 18°.

- In Calvi, una timperatura di 18°, una pressione atmusferica di 1008 milibari è 95 per centu d'umidità.

- in Aiacciu, strada di e Sanguinarie, una timperatura di 21°, 73 per centu d'umidità è una pressione atmusferica di 1008 milibari.

a