Attualità

Instabile

I passaghji nivulati sò sempre numerosi è alternanu cun schjarite. Dop'à l'accalmia di sta mane, a Corsica hè in vigilenza gialla per timpurali issu marti dopu meziornu, induve timpurali sò previsti in muntagna è a l'interiore. L'acquate devenu cessà in a notte à vene.

Soffianu venti muderati di nordu este nant'à e coste balanine 

E timperature massimale  sò rinfrescate è vanu da 17 à 20° nant’à u liturale, trà 13° è 17° à l’interiore, è trà 10 è 13° in i paesi di muntagna. 

A 8 ore è mezu sta mane in Cervioni, a timperatura era di 16°, a pressione atmusferica di 1007 milibari è un percentuale d’umidità di 81.

- in cità di Bastia, a pressione atmusferica era di 1005 milibari, u percentuale d'umidità di 90 è a timperatura di 17°.

- In Calvi, una timperatura di 16°, una pressione atmusferica di 1005 milibari è 98 per centu d'umidità.

- in Aiacciu, strada di e Sanguinarie, una timperatura di 17°, 83 per centu d'umidità è una pressione atmusferica di 1005 milibari.