Attualità

U sole s'impone

I nuli bassi sò numerosi sta mane da u Nebbiu à u Capicorsu è cuprenu una gran parte di a facciata urientale. Si dissipanu prugressivamente da quì à a fine di a matinata è issu dopu meziornu u tempu deve esse generalmente assuliatu.

Soffianu ventulelli è un ventu d'este si stabilisce in a notte à vene in u stremu sudu, nant'à u Nebbiu è trà Petralba è Lozari

E timperature massimale vanu da 18 à 21° in facciata este, 22 à 25° in facciata uveste, 21° à 24° à l’interiore, è trà 18° è 21° in i paesi di muntagna. 

A 8 ore è mezu sta mane in Cervioni, a timperatura era di 15°, a pressione atmusferica di 1016 milibari è un percentuale d’umidità di 71

- in cità di Bastia, a pressione atmusferica era di 1018 milibari, u percentuale d'umidità di 80 è a timperatura di 18°

- In Calvi, una timperatura di 17°, una pressione atmusferica di 1012 milibari è 76 per centu d'umidità

- in Aiacciu, strada di e Sanguinarie, una timperatura di 17°, 71 per centu d'umidità è una pressione atmusferica di 1016 milibari