Attualità

U testu nant’à l’autonumia di a Corsica esaminatu à u Senatu à parte da u 21 d’ottobre

U prugettu di lege nant’à l’autonumia corsa entre in a fasa senaturiale, una tappa decisiva. Per prusegue u so percorsu, u prugettu deve esse aduttatu in i listessi termini da u Senatu è l’Assemblea naziunale. Serà difficiule vistu e critiche di a diritta magiuritaria à u palazzu di u Luxembourg è e cunsequenze di e prossime elezzione senaturiale, cum’è a pussibilità di a custituzione d’un gruppu RN-UDR, oppostu à u testu.