Attualità

Un carru di turisimu piccia focu in Roccapina

Più paura chè male eri per i passageri di un carru i turisimu custretti d’esse evacuati per via d’un incendiu chi s’hè dichjaratu in u veiculu. Viaghjavanu nant’à RT 40, cumuna di Sartè in u settore di Roccapina, quandu u carru hà picciatu focu. Nimu hè statu feritu è e 35 persone  prisente à bordu  di u veiculu prestu evacuate è messe in securità. A circulazione hè stata chjosa in i dui sensi per facilità l’intervenzione di i suldati di u focu.  E circunstanze di st’incendiu fermanu scunnisciute.