Attualità

Un coppiu dumiciliatu in Corsica cundannatu in Parigi

Stu coppiu hè statu cundannatu da u tribunale currezziunale di Parigi pè avè dichjaratu falsamente un allevu vaccinu chì li averebbe permessu d’ottene suvvenzione agricule europee. U valore di l’aiuti cuncernati hè di 263 000 euri. Unu di l’accusati hè statu dinù ricunnisciutu culpevule di falsu è usu di falsu dopu avè presentatu fatture false à l’ODARC. U tribunale hà prununziatu cundanne d’un annu di prigiò attempatu durante trè anni è sei mesi attempati. U coppiu, chì l’identità ùn hè stata cunfirmata, hè statu cundannatu dinù à rimbursà à l’ASP u preghjudiziu finanziariu, à un’interdizzione d’esercità un’attività agricula durante trè anni è un mandatu elettivu durante dui anni.