Attualità

U drama hè accadutu eri, dumenica, versu 6 ore di mane, nant’à a cumuna di Purtivechju. Una vittura averebbe tagliatu strada à una trottinetta. U so cunduttore, un omu d’una trentina anni uriginariu da u cuntinente,  hè mortu da e seguite di e so ferite. Un autossia hè prevista in i ghjorni à vene per stabilì e cause di a so morte. U cunduttore di u veiculu d’una vittin’anni anni, anch’ellu cuntinentale, hè statu cuntrullatu pusitivu à l’alculemia, è messu in guardia custodia. Un inchiesta hè in corsu.