Attualità

Un omu assassinatu sta notte in Sartè

Jean-Pierre Giacomoni 61 anni hè statu tombu sta notte in u Sartinese nant’à a strada di Foce Bilzese, in u settore di u so dumiciliu. A vittima era cunnisciuta da i servizii di pulizza è di ghjustizia. Per l’ora e circunstanze di st’umicidiu fermanu scunnisciute. L’inchiesta hè cunfidata à a sezzione di ricerca di a gendarmeria di Corsica, attualmente sopr’à locu. 

A vittima era digià stata a cibula d’una prova d’assassiniu di maghju 2010. Era stata cundannata di nuvembre 2019 à 8 anni di prigìo per associu di malfattore in u quadru di a prova d’assassiniu à l’incontru di Pierre Balenci, cummessa in 2010 in Sartè.