Un omu feritu da palle in piaghja di Cutuli

Eri in corsu di dopumeziornu un omu di 49 anni hè statu feritu da palle mentre ch'ellu cunducia un erdignu agriculu. I fatti sò accaduti in piaghja di a cumuna di Cutuli è Curtichjatu. Hè statu traspurtatu da elicotteru Dragon 2B versu u centru uspitaliere di a Misericordia in Aiacciu. Eri sera u so statu era ghjudicatu stabile.
Un inchiesta hè aperta per tentativa d'umicidiu, cunfidata à a brigada di Peri è a brigada di ricerca d'Aiacciu. Una litica trà di vicini serebbe l'urigine d'issa tentativa d'umicidiu.