Attualità

Un omu ghjudicatu per prova d’assassiniu in Calvi

Abdel Boucha, un omu d’una vintina d’anni, hè ghjudicatu sin’à dumane da a corte d’assise di Cismonte pè prova d’assassiniu.  Cunnisciutu da i servizi di pulizza pè trafficu di stupefianti,  li hè rimproveratu d’avè feritu da parechje curtellate Marius Mangion, un cummerciante calvese, in a notte da l’8 à u 9 d’aostu 2023. Trace di sangue avianu permessu di fà a leia trà u locu di l’agressione sin’à u dumiciliu di u suspettu chì nega i fatti rimpruverati.