Attualità

Un secondu omu messu in esame pè l’assassiniu di Chloé Aldrovandi

Lucas Sabiani, 29 anni, hè statu messu in esame è piazzatu in detenzione pè associu di malfattori è appiattu di bè arrubbati da un gruppu organisatu, in leia cù l’assassiniu di Chloé Aldrovandi, a giovana studiente curtinese di 18 anni, tomba per errore in a notte di u 15 ferraghju scorsu in Ponte Leccia. Hè a seconda persona messa in esame è incarcerata in issu dramaticu cartulare cundottu da a JIRS di Marseglia, dop’à Antoine Pellegrini, 22 anni, suspettatu d’avè incaminatu u veiculu avendu servutu à u funestu crimine. 
Lucas Sabiani hè digià messu in esame è incarceratu dipoi a fine di u mese di ghjugnu 2025 per l’assassiniu di Camille Orsoni, suldatu di u focu tombu u 10 di ghjennaghju di listessu annu, in Oletta. Issi crimini si scrivenu in una guerra sanguinosa trà i Mattei è i Costa in Cismonte.