Una casa di 120m2 distrutta da e fiamme in Galeria

In a notte da marti à mercuri in Galeria una casa in petra di 120m2 hè stata distrutta sana da e fiamme. A casa era occupata da una giovana donna chi ùn hà pussutu ammaestrà u principiu di u focu. Ancu di grazia nimu hè statu feritu è a giovana hè stata rilughjata.  Secondu i primi elementi l’urigine di u focu  serebbe liata à un disfunziunamentu elettricu. D’altrò, sempre in Galeria, a listessa notte, versu 4 ore di mane, u merre di a cumuna hà ritrovu i pneumatichi di a so vittura crepati.