Attualità

Una parte di u Pumonte in alerta rinfurzata seccina

Dop’à u Cismonte, tocca à u Pumonte d’esse in alerta rinfurzata per seccina. A prefettura hà annunziatu chì in u dipartimentu di Pumonte cunuscendu  sempre un sbilanciu d’umidità di e terre, parechji settori sò in livellu d’alerta rinfurzata cume  e cumune d’Evisa, Piana, Ota, Cargèse è Sari Solenzara. E misure so previste sin’à u 31 d’uttobre è puderebbenu esse mudificate in funzione di l’evuluzione di a situazione. I servizii di u statu chjamanu à a mantene a vigilenza è i sforzi di subrietà in l’usi d’acqua.