Attualità

Accidenti stradali in Aiacciu è Tagliu Isulacciu

Una vittura s’hè rinversciata nant’à u Corsu Principe Imperiale. I fatti sò accaduti eri in fine di dopu meziornu. Frà e trè personne cuncernate da l’accidente, un feritu hè statu disincarceratu è trasferitu à l’uspitale in statu d’urgenza rilativa. A circulazione hè stata assai perturbata.

A notte scorsa trè vitture si sò inticciate vicin’à a scansa di Tagliu Isulacciu, à a surtita di Fulelli. Un accidente ch’hà fattu sette feriti, frà elli una donna di 23 anni in urgenza assuluta. E circustanze di l’accidente fermanu à esse schjarite.