Attualità

Visita di Emmanuel Macron in Corsica

Emmanuel Macron hà principiatu eri a so visita in Corsica cù una cena republicana in prefettura di regione. Parechji eletti isulani si sò dichjarati suddisfatti di i primi scambii cù u presidente di a Republica . Sta mane à dece ore Emmanuel Macron si sprimerà à l’assemblea di Corsica nant’à u prugettu di l’evuluzione istituziunale di l’isula. 

Sempre in Aiacciu participerà à e ceremonie d’omagiu à u resistante Fred Scamaroni è a resistante Daniele Casanova. Si renderà  in Bastia stu dopu meziornu per una vista di  a mostra 39/45 à u museu, nanzu di participà à a ceremonia militare piazza Santu Niculaiu. Hè dinù aspetattu in  Bunifaziu  per svelà a lastra inaugurale di u cullegiu Albert Ferracci. A visita presidenziale  si compierà cù un ripastu cù riprisentant pulitichi i è di a sucietà civile.