Visita di u presidente Macron: Corsica è Med 7

U presidente di a republica Emmanuel Macron, ghjunghjerà sta sera à 5 ore in Aiacciu pè participà à e ceremunie d’anniversariu di a liberazione. Dumaitina, anderà in Bunifaziu pè signà a cunvenzione “cità d’arte è di storia” à prò di u sviluppu ecunomicu di a cità. Pè l’occasione, scuntrerà parechji attori di u turismu. In fine di u dopu meziornu, u presidente hè aspettatu in Purtichju pè a settesima reunione di u Med 7 chì reunisce presidenti è primi ministri di i paesi di u Sudu di l’Unione Europea.