Attualità

Votu à quasi l'unanimità pè u prugettu di scrittura custituziunale

Dop’à dui anni d’un prucedimentu trà tensione è discussione, a demucrazia hà parlatu eri in l’emiciclu di a Cullettività di Corsica induve l’eletti anu vutatu à quasi l’unanimità u prugettu di scrittura custituziunale, cun 62 voti in favore. Solu 12 eletti di diritta è Josepha Giacometti, eletta di Nazione, anu vutatu contr’à u putere legislativu. 

Oramai, i membri di u cunsigliu strategicu isulanu seranu ricevuti da u presidente di a republica à l’Elysée. St’ultimu cunsulterà e forze pulitiche à l’Assemblea Naziunale, nanzu una presentazione à u cunsigliu di i ministri è u votu à u parlamentu.