Attualità

Zerga di l'agricultori

Eri, i giovani agricultori indipendenti è i membri di a FDSEA anu bluccatu i giratoghji di Casamozza in Lucciana è Multari in Biguglia pè mustrà a so scuntentezza per via di i cuntrolli abusivi di a PAC. Sti cuntrolli anu fattu annullà o calà e suvvenzione europee è ùn tenenu à contu e particularità di l’agricultura corsa. In fine di ghjurnata, u prefettu di Cismonte hà ricevutu una delegazione d’agricultori mà l'accordi sò poghi. Stu dopu meziornu, seranu ricevuti un’altra volta à a prefettura. Eri mane, i lucali di a DDTM (direzzione di i territorii è di u mare) in Bastia, sò stati dinù sacchighjati, allora chi sta mane Joseph Colombani, presidente di a Camera d'Agricultura di Cismonte hè cunvucatu à a gendarmeria per duie lagnanze chì sò state dipusitate da u prefettu di Cismonte è u direttore di a DDTM.