Attualità

76 arme scuperte in un alloghju di e Sanguinarie in Aiacciu

Eri in fine di u dopu meziornu, mentre una prucedura d’espulsione, una quantità impressiunante d’arme hè stata scuperta in a cantina d’un alloghju situatu nant’à a strada di a Sanguinarie in Aiacciu. U pruprietariu pressuntu, un’omu d’una sessantina d’anni, in situazione du precarità, deve esse intesu da i pulizzeri, ch’anu da principià un longu travagliu d’inventariu. L’arme scuperte, per u più anziane, sembranu rilevà soprattuttu di a cullezzione.