Attualità

L’incumprenzione dop’à l’incendiu di u stabilimentu Le Week end

Eri à l’alba, i pruprietarii di u stabilimentu Le Week End eranu abbambanati. U so stabilimentu familiale situatu nant’à a strada di e Sanguinarie hè statu distruttu da e fiamme d’un incendiu criminale chì hà suscitatu una forte indignazione. L’incendii criminali contr’à i stabilimenti cummerciali si multiplicheghjanu in Corsica. Per luttà contr’à issu fenomenu maffiosu, un polu spezialisatu di lotta contr’à a criminalità urganizata hè statu creatu da pocu à u tribunale ghjudiziariu di Bastia.