Attualità

I Sogni di Sonia incantanu u publicu cerviunincu

A municipalità di cervioni hà rigalatu una bella serata di teatru in lingua corsa à u so publicu venutu numerosu per assiste à a pezza 'Sogni di Sonia, scritta da Alexandre Oppeccini sott'à u titulu 'Les insconstances' è adatta in lingua corsa da Roselyne de Nobili è Filippu Guerrini.

Cun Davia Benedetti, sola in scena, chì occupa u spaziu di tuttu u so talentu di teatrina. Una donna in a so sala di bagnu chì erziculeghja, s'inzerga, è si lamenta nant'à a so cundizione di donna, di sposa, di mamma... è di nora !

U cumedia rinfrescante !