Attualità

Terazza di stabilimentu è vittura brusgiate in Bastia

Sta notte un incendiu hà distruttu a terrazza di u stabilimentu l’Impact situatu nant’à a marina di l'Arinella in Bastia. Duie persone chì durmianu sopr’à locu sò state messe in securità da i succorsi. L’incendiu ùn s’hè micca spapersu à l’inseme di a struttura è a so urigine ferma scunnisciuta.
Sempre in a notte passata, un focu hà brusgiatu una vittura ibrida è s’hè spartu à dui altri veiculi nant’à u corsu Emile Sari. Trè persone sò state incumudate da i fumi. Un’inchiesta hè aperta.