Attualità

Si ricerca sempre u spassighjadore smaritu nant’à u GR 20

Marc Lauriac sparitu dipoi u primu di maghju nant’à u GR 20 vicinu à u rifugiu di Pietrapiana in Cismonte, hè sempre ricercu da a gendarmeria di Corsica.  E ricerche interrotte eri per via di u gattivu tempu, sò ripigliate sta mane. L’omu di 50 anni, spassighjadore sperimentatu in vacanze in Corsica, era partutu solu da Bastia. U so telefonu hè statu geolocalisatu per l'ultima volta à u livellu di u rifugiu di Pietrapiana. 

Ogni rinsignamentu deve esse trasmessu à a brigada di Corti à u 04.95.46.04.81.