Attualità

Accidenti stradali in Tallone è Aiacciu

Un accidente di a circulazione hè accadutu marti in principiu di dopu meziornu nant’à a strada territuriale 16 nant’à a cumuna di Tallone. Un veiculu solu in causa hà capivultatu in circunstanze per l’ora scunnisciute. Prestu sopr’à piazza i succorsi anu evacuatu a vittima in urgenza relativa versu u centru uspitalieru di Corti.

In u quartieru di Petralba in Aiacciu un accidente trà un veiculu è una trottinetta hà fattu un feritu gravu evacuatu versu l’uspidale d’Aiacciu. L’accidente hà mubilizatu un impurtante dispusitivu è a strada hè stata bluccata durante una stonda.