Attualità

Mubilisazione maiò per per salvà Scola Corsa

Eri è oghje parechji stabilimenti sculari sò bluccati simbulicamente in sustegnu à Scola Corsa ma l’elevi vuluntari ponu seguità i corsi. A reta di scole immersive serebbe minacciata “à cortu andà” di chjiditura. Scola Corsa hà bisognu di a cuntrattualisazione di i so insignanti è di a suvvenzione di 1,3 milioni d’euri, accurdata da a Cullettività Territuriale è cuntestata da u Prefettu davant’à u tribunale amministrativu.

Quasi una milliaia di persone s'hè adunita davant'à e Prefetture di Bastia è d’Aiacciu à a chjama di l'associu Scola Corsa, per sustene e scole d'insignamentu immersivu. Una mubilisazione massiva pò assicurane u futuru. Ghjiseppu Turchini, presidente di l'associu, accumpagnatu da u merre di Bastia Gilles Simeoni, hè statu ricevutu in Prefettura in principiu di serata.