Attualità

Articulu 49-3 pè a riforma di e ritirate

A prima ministra Elisabeth Borne hà annunziatu à l’Assemblea Naziunale d’ùn sottumette u testu di a riforma di e ritirate à u votu di l’assemblea naziunale, aduprendu l’articulu 49-3 per l’11a volta dipoi a so numinazione. L’annunziu hà sullevatu a zerga in i ranghi di l’opposizione. In carrughju, a determinazione di i manifestanti s’hè rinfurzata. Trè muzione di censura deverebbenu esse depusitate oghje è vutate luni. Una muzione hè stata annunziata da u gruppu Liot, cù u sustegnu di i trè deputati corsi. Ciò chì risicheghja di cumprumette u prucedimentu di Beauvau è d’imbarazzà e discussione per l’avvene instituziunale di a Corsica. Eri sera, addunite si sò fatte davant’à e prefetture di Bastia è Aiacciu dopu à l’annunziu di u 49-3.