Attualità

Assassiniu di Alain Orsoni: a tesa di u tiru à distanza cunfirmata

U locu di u tiru chì hà tombu Alain Orsoni à l’esciuta di a ceremonia d’interru di a so mamma hè  statu localisatu à una centinaia di metri di a vittima. A JIRS di Marseglia è u PNACO, nova ghjuridizione spezialisata, accudiscenu l’inchiesta  per assassiniu in banda urganisata è participazione à un associu criminale. Alain Orsoni chì campava dipoi parechji anni à u Nicaraguà, era vultatu in Corsica per assiste à l’esequie di a so mamma. In u so paese nativu di Veru ghjè l’affannu, è in Corsica, eletti, militanti assuciativi è spurtivi, testimunieghjanu a so indignazione di pettu à un crimine crudele d’un puntu di vista umanu. L’autossia di a vittima hè prevista per oghje.