Attualità

Autonumia di a Corsica: nova reunione di u cumitatu strategicu in Parigi

U cumitatu strategicu nant’à l’avvene istituziunale di l’isula s’hè addunitu di novu eri sera in Parigi cù l’eletti corsi ingiru à u ministru François Rebsamen. St’ultimu hà rammentatu a prumessa di rispettà u calindariu di l’evuluzione istituziunale di a Corsica fissatu da quì à a fine di l’annu. E scritture custituziunale permettendu di ricunnosce u statu d’autonumia sò state trasmesse à u cunsigliu di Statu. U so avisu serà cunnisciutu nanz’à l’estate. L’esame parlamentare di u testu hè previstu pè a rientrata di settembre. Deve esse vutatu in i listessi termini da i deputati è senatori nanzu d’ottene a magiurità di i trè cinquesimi à u cungressu di Versailles.