Attualità

Un omu vittima d’una tentativa d’umicidiu in Prunelli

Rachid Haouari, 39 anni, anzianu impresariu è cumerciante di u rughjone fiumurbacciu, è cunsideratu cume vicinu di u grande banditisimu isulanu, hè statu feritu da palle in Migliacciaru, nant’à a cumuna di Prunelli di Fium’Orbu, mentre ch’ellu circulava in vittura. S’hè resu da per ellu à a caserna, per esse evacuatu da elicotteru di a securità civile è uspitalizatu à u centru uspitalieru di Falconaghja in Bastia, sott’à prutezzione pulizzera. Parechji impatti di calibru 12 sò stati custattati nant’à a so vittura. A procura di Bastia hà apertu un inchiesta per prova d’umicidiu.