Attualità

Barrata nant’à a strada di e Sanguinarie: sei persone riallughjate

Parechje decine di metri cubi di petre si sò staccate da u teppale nanzu d’inciaccassi à u pede di a residenza Eden Roc nant’à a strada di e Sanguinarie in Aiacciu sta notte, versu mezanotte è mezu. Ci durmianu ottu persone, chì ci stanu à l’annata. Sei sò state custrette d’esse riallughjate da i servizii municipali.  Per miraculu, ùn ci hè statu nè diguasti materiale nè feriti.  Un impurtante travagliu di cunsulidazione di u teppale deve principià nanzu chì e persone possinu ritruvà u so alloghju